നമ്മൾ മലയാളികൾ ശരിക്കും ഒരു വലിയ അശ്ലീലമാണ്....!! (24 Feb 2018)

നമ്മൾ മലയാളികൾ ശരിക്കും ഒരു വലിയ അശ്ലീലമാണ്....!!

ഉത്തരേന്ത്യൻ ആൾക്കൂട്ട കൊലപാതകങ്ങൾക്കെതിരെ വാളോങ്ങുമ്പോൾ തന്നെ ആൾക്കൂട്ട നീതിയെ മഹത്വ വൽക്കരിക്കുന്ന 'അമർ അക്ബർ അന്തോണി' പോലുള്ള സിനിമകൾ മഹാ കലാ സ്രഷ്ടികൾ ആണെന്ന് വാഴ്ത്തിപ്പാടും...!

ദേശവ്യാപകമായുള്ള ദളിത് പീഡനങ്ങൾക്കെതിരെ പ്രതികരിച്ചു പ്രതികരിച്ചു വശംകെടും, പക്ഷെ സ്വന്തം കണ്മുന്നിൽ മുടി നീട്ടി വളർത്തി എന്ന പേരിൽ വിനായകൻ എന്ന കുട്ടിയെ മർദ്ദിച്ചു മർദ്ദിച്ചു ആത്മഹത്യയിലേക്ക് തള്ളിവിട്ട പോലീസിന്റെ 'നീതിബോധത്തെ' കാണില്ല...!

ഇറച്ചിവെട്ടുന്ന ലാഘവത്തോടെ ഒരു പാവം യുവാവിനെ വെട്ടിയരിഞ്ഞു കൊന്നതിന് പ്രത്യയശാസ്ത്ര ന്യായീകരണങ്ങൾ കണ്ടെത്തി വിളമ്പുന്ന കൂടെത്തന്നെ ഈ പാവം മധു എന്ന മനുഷ്യ ജന്മത്തിന് ലഭിക്കാതെപോയ നീതിയെപ്പറ്റിയോർത്ത് സങ്കടപ്പെടും...!

ഇനി വേറൊരുകൂട്ടർ നിരന്തര ശ്രമത്തിലാണ്,
സെൽഫിയിൽ പെട്ട പ്രതികളുടെയും കുടുംബത്തിന്റെയും ജാതകം വരെ തപ്പിയെടുത്ത് അവർക്ക് അടുത്ത ആൾക്കൂട്ട വിചാരണ നേടിക്കൊടുക്കാൻ, അല്ലെങ്കിൽ ഒരു കയർ വാങ്ങാൻ പ്രേരിപ്പിക്കാൻ....!

ശരിക്കും നമ്മൾ മഹാ അശ്ലീലമാണ്....!!