ശുഹൈബ് ഇടയന്നൂരിന് ആദരാഞ്ജലികൾ...
മുപ്പതു വയസ്സുമാത്രമുള്ള യൂത്ത് കോൺഗ്രസ്സ് നേതാവാണ് കൊല്ലപ്പെട്ടത്...! ഇത് സിപിഎം എന്ന പാർട്ടി നടത്തിയ മറ്റൊരു രാഷ്ട്രീയകൊലപാതകം, എന്ന നിലക്ക് മാത്രമാണ് നിങ്ങളൊക്കെ കാണുന്നതെങ്കിൽ അത് അത് നിങ്ങളുടെ അപക്വമായ രാഷ്ട്രീയ വീക്ഷണം കൊണ്ട് മാത്രമാണ്! ഇത് ആ പാർട്ടിയുടെ ഫാസിസ്‌റ്റ് മുഖം കൃത്യമായി പുറത്തുകൊണ്ടുവരുന്ന ഒരു കൊലപാതകമാണ്....
കൃത്യമായും ഒരു 'ശ്രദ്ധ തിരിക്കൽ' കൊലപാതകമാണിത്, പാർട്ടി നേതാക്കന്മാരുടെ മക്കളുടെ പേരിൽ ഉണ്ടായ ആരോപണം കൈവിട്ടുപോയ അവസ്ത, നേതാക്കന്മാർ പാർട്ടി വേദികളിൽ സ്വന്തം തടി രക്ഷിക്കാൻ പാടുപെടുന്ന സമയം, 'യഥാർത്ഥ കമ്മ്യൂണിസ്റ്റ്' അണികളെ അഭിമുഖീകരിക്കാൻ സ്വാഭാവികമായും ഒരു തരം ചളിപ്പുള്ള സമയം, അത്തരം ഒരു സമയത്താണ് സ്വന്തം മക്കളുടെ പ്രായം പോലുമില്ലാത്ത ഒരുത്തനെ കൊന്ന് ഇവനൊക്കെ ഇപ്പറഞ്ഞ സകല പ്രശ്നങ്ങളിൽനിന്നും നിന്നും ഒറ്റയടിക്ക് രക്ഷപെട്ടത്... ഇതാണ് ഫാസിസം, പ്രധാന പ്രശ്നങ്ങളിൽനിന്നും ശ്രദ്ധതിരിക്കാൻ നിരപരാധിയുടെ ചോര തെറിപ്പിക്കുന്ന സിപിഎം ഫാസിസം...
കണ്ണൂരിൽ തുടർക്കഥയായിരുന്ന കോൺഗ്രസ്സ് സിപിഎം സംഘട്ടനങ്ങളും രാഷ്ട്രീയ കൊലപാതകങ്ങളുമൊക്കെ വളരെ നേർത്ത് നേർത്ത് വരുന്ന ഒരു കാലഘട്ടത്തിലാണ് ഇത് സംഭവിച്ചത്! പ്രാദേശികമായി ഇരു പാർട്ടികളും തമ്മിൽ വലിയ പ്രശ്നങ്ങൾ ഒന്നും ഇല്ലാതിരുന്ന സമയം, ഇത്തരം ഒരു അവസരത്തിലാണ് ഈ കൊലപാതകം നടന്നത്! ഇതു തന്നെയാണ് ഇത് പാർട്ടി നേതാക്കന്മാർ അറിഞ്ഞുനടത്തിയ 'ശ്രദ്ധതിരിക്കൽ കൊലപാതകം' ആകാനുള്ള കാരണവും...
ഈ സമയത്ത് ആർ എസ് എസ് - ബിജെപി നേതാക്കന്മാരുടെ നേരെ നടത്തുന്ന ഏതൊരു ആക്രമണവും ദേശീയതലത്തിൽ മാധ്യമങ്ങൾ തങ്ങൾക്കെതിരെ ഉപയോഗിക്കും എന്ന ഉറച്ച ബോധ്യമുള്ള സിപിഎം അതുകൊണ്ട് തന്നെയാണ് ഇപ്രാവശ്യത്തെ തങ്ങളുടെ ഇരയായി ശുഹൈബ് ഇടയന്നൂരിനെ തന്നെ തിരഞ്ഞെടുത്തത്, 'മുസ്ലിമുകളും ദളിതരും കൊല്ലപ്പെടേണ്ടവരാണ്' എന്ന വികാരം ബഹു ഭൂരിപക്ഷത്തിന്റെയും മനസ്സിലേക്ക് കുത്തിയിറക്കിയ മൂത്ത ഫാസിസ്റ്റുകളെ വിറ്റ കാശ് പോക്കറ്റിലുള്ള ഇളയ ഫാസിസ്റ്റുകൾ... അതാണ് സിപിഎം! നിങ്ങളാണ്, നിങ്ങൾ മാത്രമാണ് കേരളത്തിലെ ഫാസിസ്റ്റുകൾ...
No comments:
Post a Comment