ജോസഫ് പുലിക്കുന്നേലിന് ആദരാഞ്ജലികൾ....

ജോസഫ് പുലിക്കുന്നേലിന് ആദരാഞ്ജലികൾ....

പുലിക്കുന്നേൽ മരിക്കുന്നത് സുറിയാനി കത്തോലിക്കാ സഭയിൽ ഒരു നൂറ് പുലിക്കുന്നേലുകൾ അനിവാര്യമായ സമയത്താണ്...

ഓരോ പള്ളികളുടെയും, അതിലെ അംഗങ്ങളുടെയും നിയന്ത്രണത്തിലാവേണ്ട സഭയും അതിന്റെ സമ്പത്തുമൊക്കെ അതി വിദഗ്ധ്മായി വൈദികരുടെയും ബിഷപ്പുമാരുടെയുമൊക്കെ അധികാരത്തിലാവുകയും പള്ളിക്കമ്മിറ്റികൾ വെറും ഡമ്മിക്കമ്മറ്റികളാവുകയും ചെയ്ത കാലത്താണ് നാം ജീവിക്കുന്നത്....!

ഗവർണ്മെന്റ് നിയന്ത്രണങ്ങളെപ്പോലും കാറ്റിൽപ്പറത്തി പുരാവസ്തു പട്ടികയിൽ ഉൾപ്പെടേണ്ട നിർമ്മിതികളെ വരെ ഏകപക്ഷീയമായി തകർത്ത് അവിടെ അൾട്രാ മോഡേൺ കൊട്ടാരത്തിനെ അനുസ്മരിപ്പിക്കുന്ന പള്ളികൾ പണിതുയർത്തുന്ന കാലത്താണ് നാം ജീവിക്കുന്നത്....!

പെരുന്നാളുകളെ നാട്ടുകാരുടെ ആഘോഷം എന്നതിൽനിന്നും, വിശ്വാസക്കച്ചവടം എന്ന സഭാ ബിസിനസ്സ് തലത്തിലേക്ക് മാറ്റുന്ന കാലത്താണ് നാം ജീവിക്കുന്നത്....!

നൂറ്റാണ്ടുകളുടെ പാരമ്പര്യമുള്ള പള്ളികളെപ്പോലും ഒളിഞ്ഞും തെളിഞ്ഞും വർഗീയതപരത്തുന്ന ധ്യാനഗുരുക്കളുടെ ബ്രാന്റ് നെയിമിന് താഴെ ആക്കുന്ന വാർഷിക സർക്കസ്സുകളുടെ കാലത്താണ് നമ്മൾ ജീവിക്കുന്നത്....! 

നൂറ്റാണ്ടുകളോളം തങ്ങളുടെ പൂർവികർ കാത്തുപരിപാലിച്ച പള്ളിക്കും അതിന്റെ നിർമിതികൾക്കും സ്വത്തിനും എന്താണ് സംഭവിക്കുന്നത് എന്നറിയാനുള്ള അവകാശം പോലും നിഷേധിക്കപ്പെട്ട വിശ്വാസികളുള്ള കാലത്താണ് നാം ജീവിക്കുന്നത്....!

അതുകൊണ്ടുതന്നെ ഈ സഭയിൽ ഒരു നൂറ് പുലിക്കുന്നേലുകൾ പുതുതായി വരേണ്ട സമയം അതിക്രമിച്ചുകഴിഞ്ഞു, അങ്ങനാരും വരുന്നില്ല എങ്കിൽ മുച്ചൂടും മുടിക്കും അവർ!! ഇത് വെറുമൊരു ഒരു ദീപികപ്രശ്‌നത്തിലോ സ്ഥലകച്ചവട വിവാദത്തിലോ പള്ളി പൊളിക്കലിലോ നിൽക്കില്ല....!!!

കാലത്തിന് മുന്നേ നടന്ന, ജീവിതംകൊണ്ട് മാതൃക കാണിച്ച പോരാളിക്ക് ഒരിക്കൽക്കൂടി ഈ 'സഭാ വിശ്വാസിയുടെ' ആദരാഞ്ജലികൾ...

ലൗ ജിഹാദല്ല! ഇത് ഐസിസ് മാതൃകയിലുള്ള തീവ്രവാദം!

ലൗ ജിഹാദല്ല! ഇത് ഐസിസ് മാതൃകയിലുള്ള തീവ്രവാദം!

ഐസിസിന്റെ കൊലപാതങ്ങളെപ്പറ്റി കേട്ടിട്ടുണ്ടോ!? വീഡിയോ റിക്കോർഡിങ്ങിന്റെ അകമ്പടിയോടെ സ്വന്തം കൊടിയുടെ പശ്ചാത്തലത്തിലാണ് അവർ മിക്ക കൊലകളും നടത്തുന്നത്.

അത് അവരുടെ മാർക്കറ്റിങ് തന്ത്രമാണ്, അവരെ പിന്തുണക്കുന്ന ഒരുപറ്റം ജന്തുക്കളെ ആവേശത്തിലാക്കാനും ഇത്തരം ഒരു പ്രവർത്തിക്ക് അവരെയും സജ്ജരാക്കാനും സഹായിക്കുന്ന മാർക്കറ്റിങ് തന്ത്രം. അതുകൊണ്ട് രാജസ്ഥാൻ കൊലപാതകവും അത്തരത്തിലൊന്നാണ്, അതിനെ ലവ് ജിഹാദ് എന്ന് പറഞ്ഞു പറഞ്ഞു പരോക്ഷമായി ഇര കൊല്ലപ്പെടേണ്ടവനായിരുന്നു എന്ന ധ്വനി ജനിപ്പിക്കാതിരിക്കുക!

അൻപത്തി ഒന്ന് വയസ്സുള്ള, വാർദ്ധക്യത്തിലേക്ക് കടന്ന ഒരു മനുഷ്യന്റെ കൊലപാതകമാണ് അത്! ലവ് ജിഹാദ് എന്നാൽ എന്തെന്ന് പോലുമറിയാത്ത ഒരു മനുഷ്യന്റെ കൊലപാതകമാണത്!

കൊല നടത്തിയത് സ്വന്തം സംഘടനയുടെ കൊടികുത്തി അതിന്റെ പശ്ചാത്തലത്തിലാണ്, ഉടുത്തൊരുങ്ങി മിടുക്കനായിത്തന്നെയാണ് തന്റെ ധീരകൃത്യം പ്രതി ലോകത്തിന് മുൻപിലേക്ക് എത്തിച്ചത്, കൈ വിറക്കാതെ ശബ്ദം ഉണ്ടാക്കാതെ ഇത് പകർത്തിയത് പതിനാലു വയസ്സ് മാത്രമുള്ള ഒരു കുട്ടിയാണ്, സമീപത്ത് പത്തുവയസ്സ് മാത്രമുള്ള അയാളുടെ മകളുമുണ്ടായിരുന്നു എന്ന് പറയപ്പെടുന്നു!!!

അതെ ഇന്ത്യ പേടിക്കണം! സ്വന്തം വീട്ടിലെ കോഴിക്കുഞ്ഞുങ്ങളെ കൊല്ലുമ്പോൾ പോലും കരഞ്ഞുറങ്ങിയിരുന്ന കുട്ടികളുടെ തലമുറയെ അവർ വെറുപ്പിന്റെ തലമുറയാക്കി മാറ്റിക്കഴിഞ്ഞു...!!!

നമ്മൾ കൂടുതൽ പേടിക്കേണ്ടത് ഇതിന് പോലും ന്യായീകരണം കാണ്ടെത്തുന്ന ജന്തുക്കളെയാണ്, പ്രധാനമന്ത്രിയുടെയും പാർട്ടി അധ്യക്ഷന്റെയും കൂടെ നിൽക്കുന്ന ഫോട്ടോ പ്രസിദ്ധീകരിച്ച സ്വന്തം ഫേസ്ബുക് വാളിൽ തന്നെ ഇതിനൊക്കെ ന്യായീകരണം ഇട്ടവൻമാരെയും മറ്റു ചെറുകിട പിന്തുണക്കാരെയും കരുതിയിരിക്കുക...!

ഡിസംബർ 6, ഇന്നേക്ക് ഇരുപത്തഞ്ചു വർഷങ്ങൾ..!!!!

ഡിസംബർ 6, ഇന്നേക്ക് ഇരുപത്തഞ്ചു വർഷങ്ങൾ..!!!!
ഇത് ചരിത്രമാണ് , നിരന്തരമായ ഓർമപ്പെടുത്തൽ ആവശ്യമുള്ള ചരിത്രം !!

രാം കെ നാം - ഈ പ്രശ്നം എങ്ങനെ ഉണ്ടായി എന്നും, ഒരു ജനത എങ്ങിനെ വര്‍ഗീയ വത്കരിക്കപ്പെടുന്നുവെന്നും കാണിച്ചു തരുന്ന ഈ ഡോക്യമെന്ററി, ബാബരി മസ്ജിദ് തകര്‍ച്ചക്ക് പിന്നിലുള്ള രാഷ് ട്രീയത്തെക്കുറിച്ചും മസ്ജിദ് പൊളിക്കുന്നതിനെ ഹിന്ദു സന്യാസിമാര്‍ തന്നെ രൂക്ഷമായി എതിര്‍ക്കുന്നതുമെല്ലാം പുറത്ത് കൊണ്ടുവന്നുണ്ട്‌...

(2015ന്റെ തുടക്കത്തിൽ ആനന്ദ് പട്‌വര്‍ധന്റെ ഈ വിഖ്യാത ഡോക്യുമെന്റി യു ട്യൂബിലൂടെ ലോകത്തിനു മുന്നിലെത്തിയപ്പോൾ തയാറാക്കിയ റിപ്പോർട്ടും വീഡിയോയും. - http://malayalee.com.au/?p=43247 )

#RamKeNaam #InTheNameOfGod
🚩🔥🔥🔥🔥🔥🔥🔥🔥🔥🔥🔥🔥🔥🔥


പഴയ ഓർമപ്പെടുത്തൽ,

തീവ്രവാദി ആക്രമണത്താൽ ഉത്തർ പ്രദേശത്ത് സ്തിതി ചെയ്തിരുന്ന നൂറ്റാണ്ടുകൾ പഴക്കമുണ്ടായിരുന്ന ഒരു ചരിത്ര സ്‌മാരകം നശിപ്പിക്കപ്പെട്ടിട്ട് ഇന്നേക്ക് 25 വർഷം....!!

വിദ്യാഭ്യാസവും ചിന്താശേഷിയും കുറഞ്ഞ ഒരു വലിയ വിഭാഗം ജനങ്ങളുടെ മൃദുല വികാരങ്ങളെ അതിബുദ്ധിമാന്മാരായ ഒരുപറ്റം കുടിലബുദ്ധികൾ ചൂഷണം ചെയ്തുനടത്തിയ പ്രസ്തുത സംഭവത്തെത്തുടർന്നുണ്ടായ കലാപങ്ങളിൽ രണ്ടായിരത്തിൽ അധികം 'മനുഷ്യർ' കൊല്ലപ്പെടുകയും ഒമ്പതിനായിരം കോടി രൂപയിൽ കൂടിയ നാശനഷ്ടം ഉണ്ടാവുകയും ചെയ്തു (രേഖകൾ പ്രകാരം മാത്രം!).

ഇന്ത്യൻ നീതിന്യായ വ്യവസ്തയുടെ പോരായ്മകൊണ്ട് പ്രധാന തീവ്രവാദി നേതാക്കന്മാർക്കും അവരുടെ രാഷ്ട്രീയ പ്രസ്ഥാനങ്ങൾക്കും അതിന് ശേഷം വൻ വളർച്ചയും ഉയർച്ചയുമായിരുന്നു ഉണ്ടായത്!

മനുഷ്യന്റെ കരിഞ്ഞ മാംസവും, ചോരയും, കണ്ണീരുമാണ് തങ്ങളുടെ രാഷ്ട്രീയ വളർച്ചയ്ക്കുള്ള ഏറ്റവും നല്ല വളം എന്ന് മനസ്സിലാക്കിയ പ്രസ്തുത തീവ്രവാദികളുടെ അടുത്ത തലമുറകളും ആ പഴയ മുറിവ് കാലങ്ങളായി കുത്തി-കുത്തി പഴുപ്പിച്ചു നിർത്തിയും പുതുത് - സ്രഷ്ടിച്ചും പാരമ്പര്യം കാത്തുസൂക്ഷിച്ചു വളരുന്നു...

😡 😢തീവ്രവാദം തുലയട്ടെ...
ഇനിയും നിരപരാധികളുടെ രക്തം വീഴാതിരിക്കട്ടെ...
കുളയട്ടകൾ നശിക്കട്ടെ...🙏

(ആനന്ദ് പട്വർത്ഥന്റെ ഡോക്യൂമെന്ററി, ഇതിലെ കോളാമ്പി പിടുത്തക്കാരനെ ഒന്ന് കണ്ടുവച്ചോ - https://youtu.be/OO-VaJBHiik)

ഷബാന... ഇവർ യു പി യിൽ സ്വതന്ത്ര സ്ഥാനാർഥിയായിരുന്നു അവർക്ക്‌ ലഭിച്ച വോട്ട് പൂജ്യം!!

ഷബാന... ഇവർ യു പി യിൽ സ്വതന്ത്ര സ്ഥാനാർഥിയായിരുന്നു അവർക്ക്‌ ലഭിച്ച വോട്ട് പൂജ്യം!! സ്വന്തം വോട്ടു പോലും ലഭിച്ചില്ല എന്ന് സാരം...!!!

 പണ്ടൊരു ലേഖനത്തിൽ ശ്രീ എന്‍ എസ്‌ മാധവന്‍ ഫാസിസത്തിന്റെ അടിസ്ഥാനപരമായ 14 ലക്ഷണങ്ങളിൽ രണ്ടെണ്ണം ഒഴിച്ച് ബാക്കിയുള്ളതെല്ലാം ഒരു രീതിയില്‍ അല്ലെങ്കില്‍ മറ്റൊരു തരത്തില്‍ ഇന്ത്യയിൽ പ്രകടമാണ് എന്ന് എഴുതിക്കണ്ടിരുന്നു, അന്നത്തെ അദ്ദേഹത്തിന്റെ അഭിപ്രായപ്രകാരം "പ്രകടമല്ലാത്ത രണ്ടില്‍ ഒന്ന് തെരഞ്ഞെടുപ്പില്‍ കളവ് കാണിക്കുക എന്നതും മറ്റേതു സൈന്യത്തിന്റെ സര്‍വ്വാധിപത്യം" എന്നതുമായിരുന്നു...!!!

ഇനി നിങ്ങൾ ഈ വാർത്ത വായിക്കുക - https://www.nationalheraldindia.com/…/faulty-evms-saharanpu…

വായിച്ചു കഴിഞ്ഞെങ്കിൽ വരൂ, നമുക്കിനി ജനാധിപത്യത്തെപ്പറ്റി സംസാരിക്കാം....

ജയ് ഹിന്ദ്....

NB: കഴിഞ്ഞ യൂ പി ഇലക്ഷനിൽ മുസ്ലിം ദളിത് ജാട്ട് ഒട്ടുകൾക്ക് എന്ത് സംഭവിച്ചു എന്ന ചോദ്യവും, 'മുസ്ലിം ഭൂരിപക്ഷ പ്രദേശങ്ങളിൽ എങ്ങനെ ബിജെപി ക്ക് വൻഭൂരിപക്ഷം ലഭിച്ചു" എന്ന മായാവതിയുടെ പ്രസക്തമായ സംശയവും ഒന്നുകൂടി ഓർമിപ്പിക്കുന്നു!

#EVM #EVMfraud #IndianElections