Monday, February 2, 2015

പത്രക്കാരേ..... സഹിക്കുന്നതിനും ഒരു പരിധിയില്ലേ?

വലിയ നിയമങ്ങൾ ഒന്നും തങ്ങളെ തൊടാൻ ഇല്ലാത്തതിനാൽ നാട്ടിലെ പത്രങ്ങൾക്ക് എന്തും എഴുതാം എന്നാ അവസ്ഥയാണ്.... ഇവന്മാർ നിന്ന നിപ്പിൽ വിവാദങ്ങൾ ഉണ്ടാക്കിയെടുക്കുന്നതും, പലരേയും എഴുതി മഹാന്മാരാക്കുന്നതും എഴുതി നശിപ്പിക്കുന്നതും കണ്ടുമടുത്ത് നിൽക്കുന്നവരാണ് ശരാശരി മലയാളികൾ.... ഇപ്പോ ദേണ്ടെ ഇവന്മാരുടെ മണ്ടത്തരവും സഹിക്കണ്ട അവസ്ഥയിലായി കാര്യങ്ങൾ...

ഇന്നലെ ഏഷ്യാനെറ്റിൽ കണ്ട "പഞ്ചായത്ത് പ്രസിഡന്റാവാൻ  യുവാവ് രണ്ട് കോടി ശമ്പളമുള്ള ജോലി ഉപേക്ഷിച്ചു" എന്ന മട്ടിലുള്ള  വാർത്ത കുറച്ചുകഴിഞ്ഞപ്പോ ജനം ടി വി അതേപടി വിഴുങ്ങി ഇപ്പോ അത് ഇന്ത്യാ വിഷനും അടിച്ചുമാറ്റി. ഇവനൊക്കെ കുറഞ്ഞ പക്ഷം Google Searchൽ തപ്പി ഓസ്ട്രേലിയയിൽ ഓരോ ജോലിക്കും കിട്ടുന്ന ശരാശരി ശമ്പളം എത്രയാണ് എന്നെങ്കിലും ഒന്ന് നോക്കിക്കൂടെ?

ഇതിൽ രസം ആ വാർത്തകൾ ഷെയർ ചെയ്ത് പോയിരിക്കുന്ന എണ്ണമാണ് ! ഒന്നും ചിന്തിക്കാതെ കൊള്ളാമല്ലോ എന്ന് കരുതി ഷെയർ ചെയ്യുന്നവരാണ് കുറച്ചു പേർ എന്നാൽ ബഹുഭൂരിപക്ഷത്തിന്റെ ഷെയറും ദേശസ്നേഹംവന്നു ചിന്താശേഷി നഷ്ടപ്പെട്ട അവസ്ഥയിൽ നിന്നും ഉണ്ടായതാണ്. ഇത്തരം ചിന്തയില്ലായ്മകൾ ആണ് ഇന്ത്യൻ രാഷ്ട്രീയത്തിന്റെ ശാപം. ഈ വാർത്തകൾ ഷെയർ ചെയ്തവരുടെ പ്രൊഫൈൽ വെറുതേ ഒന്ന് നോക്കിയാൽ ഞാൻ പറഞ്ഞതെന്താണന്നു മനസ്സിലാകും - പത്തിൽ എട്ടു പേർക്കും ഒരേ വികാരം, ഒരേ രാഷ്ട്രീയം.

രാഷ്ട്രീയ താൽപ്പര്യങ്ങൾ ഇല്ലാത്ത ഇത്തരം പോസ്റ്റുകൾക്ക് പോലും കണ്ണടച്ചു ലഭിക്കുന്ന ഷെയറുകളുടെ എണ്ണം നോക്കിയാൽമതി നമ്മുടെ രാഷ്ട്രീയത്തെ സോഷ്യൽ മീഡിയകൾ എത്ര മാത്രം മാറ്റിമറിച്ചു കഴിഞ്ഞു എന്ന് മനസ്സിലാക്കാൻ...

സാമൂഹ്യ വിമർശകനും, കൊമേഡിയനും, എഴുത്തുകാരനും ഒക്കയായ George Carlin എന്ന അമേരിക്കക്കാരൻ സായിപ്പ് - “Never underestimate the power of stupid people in large groups.” എന്ന് പറഞ്ഞതിന്റെ രാഷ്ട്രീയം ഇപ്പോ മനസ്സിലായില്ലേ!

വാർത്തകളുടെ  screenshot ഉം അതിനു നല്കിയ കമന്റും താഴെ കൊടുക്കുന്നു (Time: 4PM, 2nd Feb 2015)